КМУга Түркиянын “Диянет” фондунун директору Изани Туран келди

18-декабрь күнү И.Арабаев атындагы КМУга келген Түркия мамлекетинин “Диянет” Фондунун директору Изани Туран, фонддун Башкаруу кеңешинин мүчөсү Фатих Курт жана КРдагы Түркия Республикасынын Элчисинин Дин иштери боюнча кеңешчиси Салих Сезик КМУнун Теология факультетинин деканы Нурбек Шамралиев жана профессордук-окутуучулар курамы менен жолугушту.

Жолугушууда конокторго университет жана факультет жөнүндө кеңири маалымат берилип, биргеликте кызматташуу мүмкүнчүлүктөрү талкууланды. Коноктор өз сөзүндө Теология факультетинин диний билим берүү жаатындагы зор салымын жогору баалап, диний билим берүү жаатын колдоо максатында диний адабияттар менен илим багытында колдоо көргөзүлө тургандыгын айтып, жалпы кызматкерлердин ишине ийгилик каалашты.