КМУнун Педагогика жана психология институтунун окутуучулары АГЭУда иш сапарда болушту

10, 11-декабрь күндөрү И.Арабаев атындагы КМУнун Педагогика жана психология институтунун окутуучулары Алматы гуманитардык экономикалык университетинде (АГЭУ) иш сапарда болушту.

Педагогика жана психология институтунун доценттери Т.Ж.Качикеев, Э.С.Сейталиева, М.К.Узакова, ага окутуучу Э.Камчибек уулу АГЭУнун “Педагогика, бизнес жана укук” факультетинде академиялык мобилдүүлүк боюнча лекция окушту.

Доцент Т.Ж.Качикеев жана ага окутуучу Э.Камчибек уулу - “Инсандын ролдук теориясы”, доцент Э.С.Сейталиева - “Геометриялык фигуралар жана мейкиндик катыштары”, доцент М.К.Узакова - “Пазлдар методу” темасында 2-декабрдан онлайн лекцияларды окуп, 10, 11-декабрь күндөрү лекторлор ордунан оффлайн лекция окуп, жалпы 50 сааттык курс өтүштү.

Андан тышкары, “Педагогика, бизнес жана укук” факультетинин профессордук-окутуучулук курамы менен тегерек столдо ой бɵлүшүү, тажрыйба алмашуулар өттү.

И.Арабаев атындагы КМУнун Педагогика жана психология институтунун окутуучуларына АГЭУнун “Педагогика, бизнес жана укук” факультетинин профессордук-окутуучулук курамынын атынан Ыраазычылык каттар тапшырылды.