Россиялык философ, методолог Петр Щедровицкий ЖОЖдордун ректорлоруна лекция өтүүдө

Бүгүн И.Арабаев атындагы Кыргыз мамлекеттик университетинде россиялык философ, методолог Петр Щедровицкий жогорку окуу жайлардын ректорлоруна "Өнөр жай революцияларынын логикасы жана университеттик билим берүү функцияларынын эволюциясы" аталышында лекция өтүүдө. Ага Кыргыз Республикасынын Билим берүү жана илим министри Каныбек Иманалиев, университеттин ректору Айгүл Абдраева жана башка жогорку окуу жайлардын ректорлору жана профессордук-окутуучулар курамы катышты.

Лекция Кыргыз Республикасынын Билим берүү жана илим министрлиги тарабынан ишке ашырылып жаткан ЖОЖдун билим берүүнү реформалоо программасына тематикалык жактан байланыштуу.

Петр Щедровицкий философия илимдеринин кандидаты, россиялык методолог жана саясий стратег. Мейкиндикти өнүктүрүү, аймактык жана өнөр жай саясаты, инновациялар жана кадрларды даярдоо боюнча консультант. Г. П. Щедровицкий атындагы Өнүктүрүү институту фондунун президенти. 1979-жылдан баштап көйгөйлөрдү чечүүнүн жамааттык ыкмаларын уюштуруу жана адам ресурстарын өнүктүрүү тармагында адистешкен уюштуруучулук жана активдүүлүк оюндарына катышып келет. 1980-жылы Москва педагогикалык институтунун Педагогика жана психология факультетин аяктаган.