Студенттик өкмөт - билим жана тарбия берүү тармагындагы мамлекеттик саясатты ошондой эле студенттердин коомдук өз алдынча ишмердүүлүгү аркылуу Мамлекеттик жаштар саясатын ишке ашыруучу Ишеналы Арабаев атындагы Кыргыз мамлекеттик университетинин билим жана тарбия берүү процессин башкарууга ыктыярдуу, өз жоопкерчилигин алган, өлкөнүн мыйзамдарында белгиленген студенттик ишмердүүлүк болуп саналат.  Студенттик өкмөт  коомдук башталышта университеттеги студенттик өзүн өзү башкаруунун функцияларын аткаруучу коллегиалдык кеңешме жана уюштуруучу-аткаруучу орган катары саналып, университеттин студенттеринин кызыкчылыктарын эске алуу менен аларды ишке ашырып, өз ишмердүүлүгүндө  Ишеналы Арабаев атындагы Кыргыз мамлекеттик университетинин Уставын жана жобону жетекчиликке алат.

Студенттик өкмөттүн максаттары жана милдеттери:

Окуу процессинин натыйжалуулугун жогорулатууга, сабактан тышкаркы учурда маданий-массалык, билим жана тарбия берүүчү иш-чараларды уюштурууда студенттердин чыгармачыл ишмердүүлүгүнүн бардык түрлөрүн активдештирүүгө көмөктөшүү;

• студенттердин укуктары менен кызыкчылыктарын сунуштоо жана коргоо;
• студенттердин дүйнө таанымын өнүктүрүү жана өздүк интеллектуалдык мүмкүнчүлүктөрүн ишке ашыруу;
• студенттердин арасында сергек жашоо мүнөзүнө жана экологиялык дүйнө таанымга үгүттөө;
• Жогорку окуу жайлар аралык, региондор аралык жана эл аралык студенттик байланыштарды чыңдоо.

Студенттик өкмөттүн курамы жана функциялары:

• ЖОЖдор аралык, жергиликтүү, регионалдык, республикалык деңгээлдерде университеттин студенттеринин кызыкчылыктарын билдирүү;
• Ишеналы Арабаев атындагы Кыргыз мамлекеттик университетинин администрациясына студенттердин кызыкчылыктарын билдирүү;
• Илимий, окуу, тарбиялык жана коомдук ишмердүүлүгү үчүн студенттерди сыйлоо жөнүндө сунуштарды окуу жайдын Окумуштуулар кеңешинин кароосуна алып чыгуу;
• Студенттик турмуштун ар түрдүү маселелери боюнча демилге көтөрүү.

Студенттик өкмөттүн башчысы:   Бекболотов Сталбек

Ишеналы Арабаев атындагы Кыргыз мамлекеттик университетинин Тарых жана социалдык-укуктук билим берүү факультетинин  студенти. 

Ишеналы Арабаев атындагы Кыргыз мамлекеттик университетинин 2022-жылы Кыргыз Республикасынын Президентинин стипендиясына ээ болгон, активдүү студенттери:

Абубакирова Назира - Педагогика факультети,

Мадеминова Нуриза - Чет тилдер жана компьютердик лингвистика институту,

Шайлообаева Айзада - Физика-математикалык билим берүү жана маалыматтык технологиялар факультети,

Айтакунова Сания - Физика-математикалык билим берүү жана маалыматтык технологиялар факультети.

Студенттик жатакана

Ишеналы Арабаев атындагы Кыргыз мамлекеттик университетинин студенттик жатаканасы 1970-жылдан баштап ишке киргизилген. Жатаканада студенттер үчүн бардык шарттар жана кызматтар эске алынып, ар түрдүү социалдык, маданий жана спорттук иш-чаралар: поэзия кечелери, баарлашуулар жана оюн-зоок программалары, театр оюндары, куттуктоолор, пикир алмашуу жыйындары, саякаттар жана спорттук мелдештер өткөрүлүп турат.

Жатканада жалпысынан 113 бөлмө бар, акы төлөнбөгөн Wİ-Fİ , ар бир кабатта студенттер үчүн эс алуучу бөлмө, китепкана ачылган.

Жатаканада ден соолук борбору, студенттердин инсандык өнүгүү борбору жайгашкан. Спорт менен машыгуу үчүн атайын волейбол жана баскетбол оюндарына ылайыкталган аянтчалар курулган.  

Студенттер үйүнө кабыл алуу шарттары:
1) - Жатакананын эрежелерин сактоо боюнча келишим;
2) - Паспорттун көчүрмөсү;
3) - Студенттик маалым кат;
4) - 4 даана 3х4 өлчөмүндөгү фотосүрөт ;
5) -Медициналык маалымдама;

Дареги:  Бишкек шаары, Сүйөркулов көчөсү, 91А 

Байланыш телефону: +996 312 57 67 30.