Университеттин жатаканасы Бишкек шаарынын Сүйөркулов 91А көчөсүндө жайгашкан. Эки корпус, төрт этаж жана жер төлөдөн турган имаратта жалпысынан 113 бөлмө бар. Студенттердин жашап, окуп, билим алуусуна шарттар каралган. Жатаканада бардык коопсуздук эрежелери сакталган, тазалыкка жетиштүү көңүл бурулуп, жыл сайын капиталдык ремонттон өтүп  турат.   

Студенттердин коопсуздугу, ден соолугу, тарбиясы жана билим алуусу үчүн ыңгайлуу шарттарды камсыздоо максатында бардык кызматкерлер жеткиликтүү иш алып барышат. 

Студенттер тарабынан шайланган студенттик кеңештин мүчөлөрү иш алып барышат. Студенттер менен тил табышууда, маданий иш-чараларды уюштурууда, студенттердин көйгөйлөрүн угуу жана аларды чечүүдө студенттик кеңештин жардамы зарыл. 

Жатакананын ар бир кабатында жалпы ашканалар бар. Ашканада  студенттер тамак-аш жасоо үчүн керектүү каражаттар менен камсыздалган. Электр жабдыктары тыкан көзөмөлдөнгөн жана техникалык кароодон өтүп турат, ашкана санитардык талаптарга жооп берет.

Студенттер электр жабдыктарын колдонуу, электр приборлорун, ысык, муздак сууну үнөмдөө эрежелери менен тааныштырылган. Ашканадагы эн биринчи эреже бул “Тазалык”. 

Тез бузулуучу азыктарды сактоо үчүн 1-кабаттын 114-бөлмөсү  “муздаткыч бөлмөсү”. Бөлмөдө эки камералуу 2 муздаткыч бар. 

Ар бир этаждардагы окуу залдары, эс алуу бөлмөлөрү студенттердин сабактарына даярдануу жана окуудан сырткары убактыларын кызыктуу өткөрүү үчүн пайдаланууга берилген. Ал жакта студенттер китеп, газета, журналдарды окуп, шахмат, шашки ж.б. оюндарды ойноого шарттар түзүлгөн. Жатакананын короосунда баскетбол, волейбол, футбол спорт оюндарын ойноого шарттар түзүлгөн.

Жатакананын жер төлөсүндө бий залы, душ бөлмөлөрү, кир жуучу бөлмө, элеватор, эки кампа жайгаштырылган. Маданий-музыкалык иш чаралар 1-кабатта өтөт. Бий залы музыкалык аппаратура менен жабдылган.