2022-жылдын 29-декабрында Кыргыз Республикасынын Президентинин "Кыргыз Республикасынын мамлекеттик сыйлыктары менен сыйлоо жөнүндө" Жарлыгына ылайык, социалдык-экономикалык, интеллектуалдык жана маданий дараметин өнүктүрүүгө кошкон салымы үчүн, ошондой эле кесиптик жетишкендиктери үчүн Ишеналы Арабаев атындагы Кыргыз мамлекеттик университети “Даңк” ордени менен сыйланды.

**********

Улуу агартуучу Ишеналы Арабаевдин 140 жылдыгына арналган “Жаштар жана илим – жаңы заманбап тенденциялар” аттуу эл аралык конференциянын алкагында Ишеналы Арабаев атындагы Кыргыз мамлекеттик университетинде “КМШнын мыкты студенти – 2022”, “Мыкты жаш окумуштуу – 2022”, “КМШнын 100 жаңы жүзү” эл аралык сынактарынын жыйынтыгы боюнча мыкты студенттерди сыйлоо аземи болуп өттү. 

Сыйланган студенттердин арасында Ишеналы Арабаев атындагы Кыргыз мамлекеттик университетинин студенттери: Айжаркын Самыйбек кызы, Сталбек Бекболотов, Жаныбек Даменов, Канзада Шадибекова, Бекзат Эркинбековдор бар.

Аталган эл аралык сынактарынын максаты – таланттуу жаштарды колдоо жана эл аралык деңгээлдеги жогорку кесипкөй кадрларды даярдоо.

**********

Ишеналы Арабаев атындагы Кыргыз мамлекеттик университетинин Мамлекеттик тил жана маданият институтунун 3-курсунун студенти Кубатбек кызы Зарина Ишеналы Арабаевдин 140 жылдыгына арналган “Жаштар жаратмандардын жолу менен” аталышындагы интеллектуалдык оюнда 1-орунду ээледи.

**********

Facebook party "МЫКТЫЛАР МАЙДАНЫ – 2022" сынагында Ишеналы Арабаев атындагы Кыргыз мамлекеттик университетинин ректору Айгүл Абдраева көпчүлүктүн добушу менен "МЫКТЫ РЕКТОР" аталды. Бул сыйлык – иш билгилик менен күжүрмөн эмгектин натыйжасы. Университет ректору менен сыймыктанат!

**********

Кыргыз Республикасынын балдар волейбол курама командасы Бангладештин Дакка шаарында өткөн Азиянын борбордук зонасынын CAVA U-23 турнирине катышып, күмүш медалга ээ болду. Университетибиздин Дене тарбия факультетинин 3-курсунун студенти Амангелди уулу Афтандил аталган команданын оюнчусу. 

**********

Биология жана химия факультетинин 2-курсунун Бб-13-21 тайпасынын студенти Миргүл Рахманалиева 26-ноябрда Астана шаарында өткөрүлгөн “Лучший студент СНГ” Эл аралык конкурсунда I даражадагы диплом жана төш белги менен сыйланды. Миргүл сабактагы жетишүүсү жана ар кандай республикалык коомдук иштерге активдүү катышуусу менен буга чейин да көптөгөн сыйлыктардын ээси: “Инсандык өнүгүү” студенттик клубунун “Жылдын мыкты ыктыярчысы” номинациясынын жеңүүчүсү, “Лучший студент РК” Эл аралык сынагынын жеңүүчүсү (төш белги, диплом) (Казахстан, Астана 2022). “Кыргызстандын эң мыкты студенти 2022” республикалык сынагынын жеңүүчүсү, (II даражадагы диплом, төш белги, китеп, ректордун стипендиаты (2022-ж.).