Доцент Н.Бийназарова Самарканд шаарында өткөн (Өзбекстан) эл аралык конференцияга катышты

И.Арабаев атындагы Кыргыз мамлекеттик университетинин Ш.Кадырова атындагы Дүйнөлүк тилдер жана эл аралык мамилелер институтунун Англис тилинин технологиясы, теориясы жана практикасы кафедрасынын доценти, педагогика илимдеринин кандидаты Назгүл Бийназарова Өзбекстандын Самарканд мамлекеттик чет тилдер институтунда өткөн «Маданияттар аралык диалогдун өнүгүү тарыхы жана азыркы мааниси» аталышында эл аралык конференцияга катышты.

Конференцияда доцент Назгүл Бийназарова «Мугалимдин кесиптик компетенттүүлүгүндөгү чыгармачыл компонент» аталышында доклад жасады.

Конференциянын жүрүшүндө Назгүл Бийназарова Самарканд мамлекеттик медициналык университетинде Пакистандык студенттер үчүн мастер-класс өттү. Бул иш-чара тажрыйба алмашуунун натыйжалуу формасы катары бааланып, окутуучулардын кесиптик жактан өнүгүүсүнө өбөлгө түздү.