ДТЭМИнин студенттери БУУнун Афганистандагы Атайын өкүлү Р.Отунбаеванын конок лекциясына катышты

И.Арабаев атындагы КМУнун Ш.Кадырова атындагы Дүйнөлүк тилдер жана эл аралык мамилелер институтунун Эл аралык мамилелер багытынын 2-курсунун студенттери ага окутуучу Алина Кытыкенованын жетекчилиги астында Бириккен Улуттар Уюмунун (БУУ) Башкы катчысынын Афганистандагы Атайын өкүлү, Кыргыз Республикасынын Атайын жана Ыйгарым укуктуу Элчиси Роза Отунбаеванын конок лекциясына катышты. Лектор Афганистандагы азыркы кырдаалга, анда болуп жаткан саясий жана экономикалык процесстер тууралуу бөлүшүп, ошондой эле Борбордук Азия чөлкөмүндө тынчтыкты жана гүлдөп-өнүгүүгө көмөктөшүүдөгү БУУнун ролун айтып берди.