Эл аралык журналистика жана медиа коммуникациялар бөлүмүнүн башчысы Э.Сатыбекова Аль-Фараби атындагы Казак улуттук университетинде конок лекция окуду

И.Арабаев атындагы КМУнун Мамлекеттик тил жана маданият институтунун эл аралык журналистика жана медиа коммуникациялар бөлүмүнүн башчысы Эльвира Сатыбекова академиялык мобилдүүлүктүн алкагында Аль-Фараби атындагы Казак улуттук университетинде конок лекция окуп, келечектеги журналисттер үчүн мастер-класс өттү. Ошондой эле МТМИ менен КазУУнун журналистика факультетинин ортосунда меморандумга кол коюлуп, институттар ортосундагы кызматташууга укуктук негиз түзүлдү. Меморандумда биргелешкен иш-чараларды өткөрүү, эки уюмдун ишмердүүлүгүнүн багыттары боюнча изилдөөлөрдү жүргүзүү, илимий-изилдөө иштерин алмашуу, биргелешкен илимий конференцияларды жана эки тарапты кызыктырган темаларда тегерек столдорду өткөрүү пландаштырылууда.