Эл аралык журналистика жана медиа коммуникациялар бөлүмүнүн башчысы Э. Сатыбекова Орус дүйнөсүнүн XVI ассамблеясына катышууда

1-4-ноябрь күндөрү Москва шаарында өтүп жаткан Орус дүйнөсүнүн XVI ассамблеясына И.Арабаев атындагы КМУнун мамлекеттик тил жана маданият институтунун эл аралык журналистика жана медиа коммуникациялар бөлүмүнүн башчысы Эльвира Сатыбекова катышууда.

Ассамблеянын негизги темасы - "Орус дүйнөсүнүн руханий адеп-ахлактык баалуулуктары" панелдик талкуулар.

Мындан тышкары, «Чет өлкөдө журналистикага кызыгууну жана окууну кантип жогорулатуу керек?» темасы боюнча тегерек стол өттү. Эльвира Сатыбекова Борбордук Азиядагы журналистиканын абалы тууралуу баяндама жасап, Кыргызстандагы санариптик журналистика боюнча атайын баяндама презентациялады. Ошону менен бирге, «Русский мир» радиосуна маек берди.