И. Арабаев атындагы КМУга Анкара социалдык билимдер университетинин ректору, профессор Муса Кязым Арыжан келди

Бүгүн, 13-ноябрь күнү, И. Арабаев атындагы КМУга Анкара социалдык билимдер университетинин ректору, профессор Муса Кязым Арыжан келди.

Белгилей кетсек, үстүбүздөгү жылдын июнь айында Анкара шаарында И. Арабаев атындагы КМУнун ректору, профессор Айгүл Абдраева жана Анкара социалдык билимдер университетинин (АСБУ) ректору, профессор Муса Кязым Арыжан жолугушкан. Анда, эки ректор тарабынан кол коюлган кызматташтык Меморандумун ишке ашыруу боюнча маселелер талкууланып, академиялык мобилдүүлук, PhD докторлук программа боюнча тыгыз кызматташуу боюнча макулдашылды. Андан сырткары АСБУнун ректору "Илимий социалдык шаарчасы" долбоорун презентациялап, кызматташуу сунуштарын билдирди.

Жолугушууга И.Арабаев атындагы КМУнун теология факультетинин деканы Нурбек Шамралиев, жаңы маалыматтык технологиялар институтунун директору Улан Керимов жана окутуучулар катышты.