И.Арабаев атындагы КМУнун ректору А.Абдраева Евразия-Тынч океан университеттер коомунун өкүлү А.Чымыров менен жолугушту

Ишеналы Арабаев атындагы Кыргыз мамлекеттик университетинин ректору Айгүл Абдраева Австриянын борбору Вена шаарында жайгашкан Евразия-Тынч океан университеттер коомунун (Eurasia Pacific Uninet) Орто Азия жана Кавказ аймактарынын өкүлү, профессор Акылбек Чымыров менен жолугушту. Жолугушуунун жүрүшүндө Евразия-Тынч океан университеттер коомунун алкагында кызматташуунун келечеги тууралуу сөз болду.

КМУнун ректору Айгүл Абдраева И. Арабаев атындагы КМУнун аталган коомго мүчө болууга даяр экендигин баса белгилеп, биргелешкен долбоорлорду жана иш-чараларды жүзөгө ашыруу боюнча сунуштарды берди. Бул мүчөлүк университеттин эл аралык деңгээлде таанылышына шарт түзөт.