И.Арабаев атындагы КМУнун студенттери Японияда стажировка өтүп келишти

Чет өлкөдөн стажировка өтөп, өз кесибинин мыкты адиси болуу ар бир студенттин кыялы болсо керек. Дал ушундай мүмкүнчүлүк И.Арабаев атындагы КМУда түзүлгөн. Японтаануу институтунан Японияга кеткен студенттерибиздин 26сынын 3 айлык стажировкасы аяктап, Кыргызстанга кайтып келишти. Бул аралыкта япон тилин бышыктап үйрөнүп, чет элдик досторду таап, жашоосундагы өзгөчө күндөрдү башынан өткөргөнүн айтышты. Алар 2022-жылдын декабрь айында кетишкен. Бакалавриаттын “Аймактануу" жана “Мейманкана иши" багытында окуган студенттерге Япониянын Гунма мейканканасында стажировка өтүүнү Японтаануу институтунун Japanstyle иш менен камсыз кылуу борбору уюштурган.