И. Арабаев атындагы Кыргыз мамлекеттик университети Эл аралык студенттер күнүн белгиледи

Бүгүн, 16-ноябрь күнү, И. Арабаев атындагы Кыргыз мамлекеттик университети 17-ноябрь – Эл аралык студенттер күнүнө карата салтанаттуу иш-чара уюштурду.

Иш-чаранын жүрүшүндө классикалык жана популярдуу чыгармалар студенттердин аткаруусунда орундалып, Корей тили борборунун студенттери “Ритм бийи” менен өнөр көрсөтүштү. Искусство жана дизайн факультетинин студенттери “Саркечтиктин ” жана «Өмүр сызыгы» аталышындагы коллекцияларын тартуулашты. Японтаануу институтунун студенттери “Сөрөн Буши” жана “Балык уулоо” бийлерин аткарышты. КМУнун студенттеринен түзүлгөн “Апапакай жигиттер” командасы тамашалары менен көрүүчүлөргө жакшы маанай тартуулады.

Концерттин соңунда КМУнун академиялык хору “Мекеним Кыргызстан” чыгармасын аткарып, студенттердин иш-чарага катышуусун жана маданий салттарды ар тараптуу көрсөтүүгө зор мүмкүнчүлүк түздү.