И.Арабаев атындагы Кыргыз мамлекеттик университетине Кытайдан делегация келди

И.Арабаев атындагы КМУнун Ш. Кадырова атындагы Дүйнөлүк тилдер жана эл аралык мамилелер институту Кытайдын Цзинань билим берүү бөлүмүнөн келген делегация менен жолугушту. Делегация тобун университеттин окуу иштери боюнча проректору Талантбек Курманбек уулу, Илим, эл аралык мамилелер жана инновациялар боюнча проректору Айгүл Чалданбаева, Эл аралык бөлүмүнүн башчысы Рай кызы Рахат, Ш. Кадырова атындагы Дүйнөлүк тилдер жана эл аралык мамилелер институтунун директору Нуржан Сартбекова, Эл аралык билим берүү программалар институтунун директору Мээрим Субанбековалар тосуп алышты.

Жолугушууга Цзинан эл өкмөтүнүн мэринин орун басары Ян Ли, Цзинань шаардык соода бюросунун директору Чжао Чживен, Цзинань шаарынын порт жана логистика департаментинин директору Чжай Либо, Цзинань шаардык билим берүү бюросунун башкы инспектору Ма Синьдун, Цзинань элдик өкмөтүнүн тышкы иштер бөлүмүнүн башчысынын орун басары Фу Лин, Цзинань шаарынын эл аралык байланыштар башкармачылыгынын котормочусу Ли Чанхэн, Йоу Хэфу мырза, К. Карасаев атындагы Бишкек мамлекеттик университетинин Конфуций институтунун директору Элдияров Максат менен келишти.