КМУ жана "Ата-Бейит" УТМК биргеликте "Бабаларды эскерүү" аталышында илимий конференция өткөрдү

10-декабрь күнү "Ата-Бейит" улуттук тарыхый-мемориалдык комплексинде И.Арабаев атындагы КМУнун Тарых жана социалдык-укуктук билим берүү институтунун Кыргызстан тарыхы жана этнология кафедрасы тарабынан уюштурулган "Бабаларды эскерүү” аталышында илимий конференция өттү. Конференцияга "Ата-Бейит" мемориалдык комплексинин илимий кызматкерлери, Кыргызстан тарыхы жана этнологиясы кафедрасынын профессордук-окутуучулар курамы, Э.Ж.Маанаев атындагы ТСУББИнин тарых багытындагы 1-курсунун студенттери катышты.

Конференцияда т.и.д., проф.м.а. Сынару Алымкулова «Баялы Исакеевдин кыргыз мамлекеттүүлүгүнүн түптѳлүшүнѳ кошкон салымы», т.и.к., доцент Салтанат Асекова «Кыргыз совет мамлекеттүүлүгүнүн этаптарындагы куугунтук саясатынын кесепеттери» жана окутуучу Сталбек Бекболотов "Кыргызстанда аскер кызматындагыларга жүргүзүлгѳн репрессиялык саясат" аталышында докладдарын окуду.

Конференциянын жыйынтыгында студенттер ой-пикирлерин билдирип, кызыктырган суроолорун беришти.

"Ата-Бейит" комплексине зыярат кылуу менен бирге экскурсия жүргүзүлүп, студенттер кызыктуу маалыматтар менен таанышты.