КМУда 17-ноябрь – Эл аралык студенттер күнүнө карата студенттерге сыйлыктар тапшырылды

Бүгүн, 15-ноябрь күнү, И.Арабаев атындагы Кыргыз мамлекеттик университетинде 17-ноябрь – Эл аралык студенттер күнүнө карата иш-чара өттү. КМУнун ректору Айгүл Абдраева, окуу иштери боюнча проректору Раушанбек Зайниев, мамлекеттик тил, жаштар саясаты жана спорт боюнча проректору Жайна Садыкбек кызы, Жаштар жана социалдык маданий иштер бөлүмүнүн башчысы Азамат Айдаров жана студенттер катышты. Анын алкагында университетте өткөрүлгөн “Сабаттуу жаз” акциясынын, белгилүү илимпоз Апас Жумагуловдун 90 жылдыгына арналган “Эссе жазуу” сынагынын жеңүүчүлөрү жана университет жөнүндө мыкты видеоролик даярдаган студенттер сыйланды.

Жеңүүчүлөр өз ой-пикирлерин так жана чыгармачыл түрдө билдирүү менен өзгөчөлөнүп, интеллектуалдык деңгээлин, адептүү жүрүм-турумун, социалдык активдүүлүгүн жана коомдук иштерге болгон жоопкерчиликтерин көрсөтүштү. Аларга баалуу сыйлыктар, дипломдор жана сертификаттар тапшырылды.

Бул иш-чара мамлекеттик тилди өнүктүрүү жана тил саясатын өркүндөтүү максатында уюштурулуп, Кыргыз Республикасынын Президентинин Администрациясынын жана Билим берүү жана илим министрлигинин тапшырмаларын ишке ашырууга багытталганАдминистрациясынын жана Билим берүү жана илим министрлигинин тапшырмаларын ишке ашырууга багытталган.