КМУда академиялык мобилдүүлүк программасынын алкагында билим алып жаткан Казакстандан келген студенттер окуусун ийгиликтүү өтүүдө

И.Арабаев атындагы Кыргыз мамлекеттик университетинин Мамлекеттик тил жана маданият институтунда академиялык мобилдүүлүк программасынын алкагында билим алып жаткан эгиздер Айсулу жана Күнсулу Тажен окуусун ийгиликтүү

өтүүдө.

Алар, Казак улуттук кыздар педагогикалык университетинин Филология институтунун "Казак тили жана адабияты" билим берүү программасынын студенттери. Айсулу жана Күнсулу Тажен 2024-жылдын сентябрь айында академиялык мобилдүүлүк программасы аркылуу Кыргызстанга келип, Мамлекеттик тил жана маданият институтунда билим ала баштаган.

“И. Арабаев атындагы КМУда билим алуу менен академиялык мобилдүүлүк программасынын алкагында алган тажрыйбабыз кыргыз тили, адабияты, маданияты жана тарыхы тууралуу терең билим алуу гана эмес, эки элдин ортосундагы байланыштарды чыңдоо, ар тараптуу тажрыйба алмашуу мүмкүнчүлүгүн ачты. Бизге көрсөткөн камкордук, колдоо жана жардамыңыздар үчүн терең ыраазычылык билдиребиз. Биз бул жерден алган билимдерибизди жана тажрыйбаларыбызды келечекте колдонуп, эки элдин ортосундагы достукту бекемдөө үчүн салымыбызды кошобуз деп ишенебиз”- деп билдиришти Айсулу Тажен жана Күнсулу Тажен.