КМУда Австрия китепканасы ачылды

Ишеналы Арабаев атындагы Кыргыз мамлекеттик университетинде Австрия китепканасынын ачылыш аземи өттү.

Иш-чарага КМУнун илим жана инновациялар боюнча проректору Айгүл Чалданбаева, Австрия Республикасынын Кыргызстандагы Атайын жана Ыйгарым укуктуу Элчисинин кеңешчиси Фридц Покорный катышты.

Иш-чаранын жүрүшүндө эки тараптуу кызматташтык келишимине кол коюлду.

Бул келишим билим берүү, илим жана маданият жаатындагы байланышты чыңдоого өбөлгө түзөт.