КМУда “Бүтүрүүчүлөр ассоциациясы конокто” аталышында иш-чара өттү

Бүгүн, 30-январь күнү, И. Арабаев атындагы Кыргыз мамлекеттик университетинде "Бүтүрүүчүлөр ассоциациясы конокто" аталышында иш-чара өттү. Иш-чарага Физика-математика факультетинин деканы, доцент Гүлзат Токонбекова жана Физика жана аны окутуунун технологиясы кафедрасын аяктаган бүтүрүүчүлөр жана студенттер катышты.

Иш-чаранын максаты: кафедранын бүтүрүүчүлөрү менен таанышууну чыңдоо, алардын тажрыйбаларын студенттер менен бөлүшүү жана алдыңкы кесиптик тажрыйбаларды таркатуу.

Кафедранын мурдагы бүтүрүүчүлөрү студенттерге өздөрүнүн кесиптик жолу, жумуш ордундагы жетишкендиктери жана иш тажрыйбалары тууралуу бөлүштү.

Ошондой эле, кафедранын тарыхы, жетишкендиктери жана негизги багыттары тууралуу слайд көрсөтүлүп, кафедранын ишмердүүлүгү жөнүндө маалымат берилди.

Бүтүрүүчүлөр И.Арабаев атындагы КУУнун музейине барып, университеттин тарыхы жана жетишкендиктери менен таанышты.

Бул иш-чара университеттин бүтүрүүчүлөрү менен болгон байланышты бекемдеп, алардын тажрыйбасын студенттер менен бөлүшүүгө, ошондой эле, ишкердик жана кесиптик өсүүгө түрткү берүүчү маанилүү кадам болуп калды.

Иш-чара физика-математика факультетинин Физика жана аны окутуунун технологиясы кафедрасы тарабынан уюштурулган.