КМУда Бүткүл дүйнөлүк КИЖСке каршы күрөшүү күнүнө карата “Өзүңдү жана дүйнөнү сүйүү!” темасында иш-чара өттү

4-декабрда И.Арабаев атындагы КМУда Бүткүл дүйнөлүк КИЖСке каршы күрөшүү күнүнө карата иш-чара болуп өттү.

М.Р.Рахимова атындагы Кошумча кесиптик билим берүү институту тарабынан Бүткүл дүйнөлүк КИЖСке каршы күрөшүү күнүнө арналган «Өзүңдү жана дүйнөнү сүйүү!» аталышында иш-чарага профессордук-окутуучулар курамы жана студенттер катышты.

Бул иш-чаранын негизги максаты - АИВ/КИЖС (Адамдын иммунитет жетишсиздигинин вирусу/ Кабылданган иммундук жетишсиздик синдрому) менен байланышкан көйгөйлөр боюнча маалымдуулукту жогорулатуу, алдын алуу, диагностикалоо жана дарылоо маселелерин чагылдыруу, ошондой эле АИВ менен жашаган адамдарды стигматизациялоону азайтуу.

Иш-чаранын программасында лекциялар, АИВ/КИЖС чөйрөсүндөгү адистердин баяндамалары, алдын алуунун жана дарылоонун заманбап ыкмаларын талкуулоо, маалыматтык роликтер камтылган.

Иш-чаранын жүрүшүндө «АИВ-инфекциясына тест» акциясы өттү: адистерден кеңеш алуу мүмкүнчүлүгү менен ар бир адам үчүн акысыз тестирлөө.

Бул маанилүү иш-чарага катышуу калктын АИВ/КИЖС боюнча түшүнүгүн жакшыртууга жана бардыгы үчүн коопсуз жана ден-соолукка пайдалуу чөйрөнү түзүүгө карай олуттуу кадам болуп саналат.