КМУда белгилүү альпинист Эдуард Кубатов конок-лекция окуду

И.Арабаев атындагы Кыргыз мамлекеттик университетинин мамлекеттик тил жана маданият институтунун эл аралык журналистика жана медиа коммуникациялар бөлүмүнүн студенттерине белгилүү альпинист, коомдук ишмер Эдуард Кубатов конок-лекция окуду.

Эдуард Кубатов КР альпинизм жана аскага чыгуу федерациясынын президенти, Индонезия Республикасынын КРдагы ардактуу консулу.

Жолугушуу спорт, лидерлик жана коммуникация темаларын бириктирип, жандуу жана шыктандыруучу форматта өттү.

Лекциянын жүрүшүндө Эдуард Кубатов альпинизмдин командалык духту, жоопкерчиликти жана стратегиялык ой жүгүртүүнү өнүктүрүүгө өбөлгө түзгөн спорттун бир түрү катары ролу тууралуу айтып берди. Ал медиа мейкиндик спорттун жетишкендиктерине коомдук кызыгуунун калыптанышына кандай таасир бере тургандыгын жана журналисттер спорттун экстремалдык түрлөрүн кантип сабаттуу жана этикалык жактан чагылдыра аларына өзгөчө көңүл бурду.

Студенттер талкууга активдүү катышып, спорттук федерациялардын ЖМК менен өз ара аракеттенүүсү, кризистик коммуникациялар жана эл аралык маалымат чөйрөсүндө спорттук демилгелерди илгерилетүүнүн өзгөчөлүктөрү жөнүндө суроолорду беришти.