КМУда белгилүү сценарист, режиссер А.Мамадалиевдин “Жаныбек” фильминин премьерасы өттү

Бүгүн, 30-январь күнү, И.Арабаев атындагы Кыргыз мамлекеттик университетинде Мамлекеттик тил жана маданият институтунун Эл аралык журналистика жана медиакоммуникациялар бөлүмүнүн окутуучусу Абдулалим Мамадалиевдин сценарийи боюнча тартылган "Жаныбек" кинотасмасынын премьерасы өттү. Белгилей кетсек, Абдулалим Мамадалиев бир катар эл аралык кинофестивалдардын катышуучусу жана жеңүүчүсү.

Иш-чарага окуу жайдын профессордук-окутуучулар курамы, студенттер катышып, кинотасманын жаратуучулары тарабынан кызыктырган суроолорго жооп алышты. Бул фильм тартылган мезгилде, анда Эл аралык журналистика жана медиакоммуникациялар бөлүмүнүн студенттери режиссердун жана оператордун жардамчысы катары чыгармачыл процесске катышкан.