КМУда "Чыңгыз Айтматов - кылым адамы" аталышында маданий иш-чара өттү

И.Арабаев атындагы Кыргыз мамлекеттик университетинде улуу жазуучу Чыңгыз Айтматовдун чыгармачылыгына арналган "Чыңгыз Айтматов - кылым адамы" аталышында маданий иш-чара өттү.

Иш-чаранын жүрүшүндө Ч.Айтматовдун чыгармаларынан кыска эпизоддор сахналаштырылып жана сүрөт көргөзмөсү уюштурулду.

Ошондой эле, Чынгыз Айтматовдун "Ак кеме" повести боюнча кинорежиссер Болот Шамшиев тарткан кинотасмасындагы баланын ролун аткарган Нургазы Сыдыгалиев чыгармадагы өзгөчө идея туурасында баяндап, студенттердин суроолоруна жооп берди.

"Чыңгыз Айтматов - кылым адамы" аталышында маданий иш-чара КМУнун Гуманитардык-педагогикалык колледжи тарабынан уюштурулду.