КМУда “Дүйнөлүк ачык жеткиликтүү маалымат рыногу” аталышында онлайн семинар өттү

И.Арабаев атындагы Кыргыз мамлекеттик университетинде Россия илимдер академиясынын Сибирь бөлүмүнүн Илим жана техника боюнча мамлекеттик коомдук китепканасынын ачык илимди изилдөө бөлүмүнүн жетекчиси Наталья Редькина “Дүйнөлүк ачык жеткиликтүү маалымат рыногу” (DOAL, DOAB, CORI, MDPI, EBSCO, Open Access, Cyber Leninka) аталышында онлайн семинар өттү.

Иш-чарага КМУнун Илим, эл аралык мамилелер жана инновациялар боюнча проректору Айгүл Чалданбаева жана профессордук-окутуучулар курамы катышты.

Семинардын жүрүшүндө ачык жеткиликтүүлүк маалымат базаларынын ролу жана аларды илимий изилдөөлөрдө эффективдүү колдонуу жолдору, анын ичинде DOAL, DOAB, CORI жана башка платформалардын маанилүүлүгү жана ачык жеткиликтүүлүктүн азыркы учурдагы илимде жана билим берүү тармагындагы орду тууралуу маалымат берди.

Иш-чара Илим жана инновациялар департаменти, илимий китепкана жана М.Р.Рахимова атындагы Кошумча кесиптик билим берүү институту тарабынан уюштурулду.