КМУда «Эмоционалдык интеллект» аталышында семинар өттү

И.Арабаев атындагы Кыргыз мамлекеттик университетинин Педагогика жана психология институтунда «Эмоционалдык интеллект» аталышында семинар өттү.

Иш-чара психология декадасынын алкагында уюштурулуп, Педагогика жана психология институтунун профессордук-окутуучулар курамы, магистранттары жана студенттери катышты.

Семинардын жүрүшүндө эмоционалдык интеллекттин теориялык негиздери, интерактивдүү программанын алкагындагы психологиялык оюндар, эмпатияны өнүктүрүүчү көнүгүүлөр тууралуу маалыматтар берилди.

Бул иш-чара аркылуу катышуучулар өздөрүнүн эмоционалдык жооп кайтаруу өзгөчөлүктөрүн түшүнүп, өзүн-өзү көзөмөлдөө жана эффективдүү коммуникация көндүмдөрүн өнүктүрүүгө чоң мүмкүнчүлүк алышты.

Иш-чара КМУнун Педагогика жана психология институту тарабынан уюштурулду.