КМУда футзал боюнча блиц-турнир өттү

Бүгүн, 25-апрель күнү, И.Арабаев атындагы Кыргыз мамлекеттик университетинде КМУнун 80 жылдыгына карата футзал боюнча блиц-турнир өттү.

Турнирге КМУнун Дене тарбия жана спорт институтунун директору Каныбек Сарымсаков, профессордук-окутуучулар курамы, студенттери жана бүтүрүүчүлөрү катышты.

Футзал мелдеши ынтымакты бекемдөөгө жана окутуучулар менен студенттердин ортосундагы байланышты чыңдоого багытталган.

Иш-чара КМУнун Дене тарбия жана спорт институту тарабынан уюштурулду.