КМУда ККАОнун 100 жылдыгына жана Мамлекеттүүлүктү түптөгөн аталарга арналган көргөзмө өттү

И. Арабаев атындагы Кыргыз мамлекеттик университетинде Кара-Кыргыз автономиялуу облусунун 100 жылдыгына жана Мамлекеттүүлүктү түптөгөн аталарга арналган көргөзмө өттү. Иш-чара Кыргыз Републикасынын Президентинин “Кара-Кыргыз автономиялуу облусунун 100 жылдыгын белгилөө жөнүндө” жана “Азыркы Кыргыз мамлекеттүүлүгүн түптөгөн аталар жөнүндө” Жарлыктарынын алкагында уюштурулуп, И.Айдарбеков, И.Арабаев, Ж.Абдрахманов, А.Сыдыков, А.Орозбековдор боюнча кызыктуу материалдар коюлду.

Көргөзмөнүн алкагында баяндамалар жасалып, ар бир документтин маанилүүлүгү боюнча маалыматтар берилди.

Иш-чара Э.Ж.Маанаев атындагы Тарых жана социалдык-укуктук билим берүү институту тарабынан уюштурулду.