КМУда өлкөнүн алдыңкы спорт баяндамачылары конок-лекция өттү

Бүгүн, 4-октябрь күнү, И.Арабаев атындагы Кыргыз мамлекеттик университетинин Эл аралык журналистика жана медиа коммуникация бөлүмүнүн студенттерине өлкөнүн алдыңкы спорт баяндамачылары Бексултан Үсөналиев жана Кубан Жумамидинов конок-лекция өттү.

Конок-лекциянын жүрүшүндө баяндамачылар студенттерге өздөрүнүн кесиби тууралуу баяндап, ийгиликтери тууралуу маалымат берди. Студенттер спорт баяндамачыларына түз эфирдеги иштин өзгөчөлүктөрү жана спорттук иш-чараларга даярдануу боюнча кызыктуу суроолорду беришип, баалуу маалымат алышты.

Жолугушуу келечектеги журналисттер үчүн абдан пайдалуу болду. Аларга спорт дүйнөсүн тереңирээк түшүнүү жана тажрыйба алуу мүмкүнчүлүгү түзүлдү.