КМУда “Морфологиялык талдоонун негиздери” аталышында конок-лекция өттү

И. Арабаев атындагы Кыргыз мамлекеттик университетинин Мамлекеттик тил жана маданият институтунда К. Карасаев атындагы БМУнун профессору Айша Кармышакова “Морфологиялык талдоонун негиздери” аталышында конок-лекция өттү.

Иш-чара предметтик жумалыктын алкагында уюштурулуп, Мамлекеттик тил жана маданият институтунун директору Самат Жумалиев, профессордук-окутуучулар курамы жана студенттери катышты.

Конок-лекциянын жүрүшүндө морфологиялык талдоонун ыкмалары, аны практикада туура колдонуу жолдору белгиленди жана студенттердин кесиптик өнүгүүсү тууралуу маалымат берилди.

Иш-чара Мамлекеттик тил жана маданият институтунун Кыргыз тили жана аны окутуунун технологиялары кафедрасы тарабынан уюштурулду.