КМУда "Окумуштуулардын басма беттериндеги активдүүлүгү жана дүйнөлүк маалыматтык ресурстардын жеткиликтүүлүгү" аталышында семинар өттү

И.Арабаев атындагы Кыргыз мамлекеттик университетинде техника илимдеринин доктору, Мухаммад Аль-Харахзий атындагы Ташкент маалымат технологиялар университетинин профессору, Эл аралык маалыматташтыруу академиясынын академиги Марат Рахматуллаев "Окумуштуулардын басма беттериндеги активдүүлүгү жана дүйнөлүк маалыматтык ресурстардын жеткиликтүүлүгү" аталышында семинар өттү.

Иш-чарага КМУнун Илим, эл аралык мамилелер жана инновациялар боюнча проректору Айгүл Чалданбаева жана профессордук-окутуучулар курамы катышты.

Семинарды уюштуруу максаты: академиялык чөйрөдө басма беттерде жана электрондук платформаларда окумуштуулардын изилдөөлөрү тууралуу маалыматты жакшыртуу, ошондой эле, дүйнөлүк маалыматтык ресурстарды колдонуу боюнча тажрыйба алмашуу.

Семинардын жүрүшүндө илимий изилдөөлөрдүн жайылтылышы, жаңы ыкмаларды колдонуу, жана илимдин жогорку деңгээлде коомчулукка жеткирилиши, дүйнөлүк маалыматтык ресурстарды колдонуу жана окумуштуулардын басма беттериндеги активдүүлүгү тууралуу кеңири маалымат берилди.

Иш-чара Илим жана инновациялар департаменти жана илимий китепкана жана М.Р.Рахимова атындагы Кошумча кесиптик билим берүү институту тарабынан уюштурулду.