КМУнун Ардактуу профессору А.Мураталиеванын 90 жылдыгына жана КМУнун 80 жылдыгына карата тегерек стол өттү

И.Арабаев атындагы Кыргыз мамлекеттик университетинде КРнын Билим берүүсүнө эмгек сиңирген кызматкер, Ардактуу профессор Акүпү Мураталиеванын 90 жылдыгына жана КМУнун 80 жылдыгына карата тегерек стол өттү.

Иш-чаранын алкагында профессор Каратай Сартбаев атындагы И.Арабаевдин педагогикалык мурастарын үйрөнүү жана жайылтууга арналган илимий-изилдөө лабораториясынын ачылышы өттү.

Тегерек столдун жүрүшүндө «Кыргызстандык илимпоздордун үй-бүлөлүк мурасы» аталышында видео-тасма тартууланып, анда И.Арабаев атындагы университетинин академиялык жана илимий ишмерүүлүгү көрсөтүлдү.

Ошондой эле, КМУнун профессору В.И. Мусаева «Илимий салым жана муундардын байланышы: Сартбаев-Мураталиева-Сартбаева үй-бүлөсүнүн изги жолу», КР Билим берүү жана илим министрлигине караштуу Республикалык педагогикалык кызматкерлердин квалификациясын жогорулатуу жана кайра даярдоо институтунун директору А.Д. Токтомаметов “Илимий мурас жана дүйнөлүк жетишкендиктер”, профессор К.Сартбаев атындагы илимий-изилдөө лабораториясынын башчысы А.Р. Акунова “Профессор Каратай Сартбаев атындагы И.Арабаевдин педагогикалык мурастарын үйрөнүү жана жайылтууга арналган илимий-изилдөө лабораториясында 2021-24-жылдарда аткарылган иштер тууралуу”, профессор Каратай Сартбаевдин жубайы, КРнын эмгек сиңирген ишмери А. Мураталиева “Адамзат үчүн илим жана билимдин мааниси” аталышында баяндама жасады.

Иш-чаранын жыйынтыгында профессор Каратай Сартбаев атындагы стипендия, диплом, төш белгилер менен бир катар илимпоздор сыйланды.

Бул иш-чара И.Арабаев атындагы КМУнун тарыхын жана анын педагогикалык мурастарын келечек муундарга жеткирүүгө шарт түздү.