КМУда "Рейтинги жогору журналдарда илимий макалаларды даярдоонун жана басып чыгаруунун негиздери" аталышында семинар өтүүдө

И.Арабаев атындагы Кыргыз мамлекеттик университетинде техника илимдеринин доктору, Мухаммад Аль-Харахзий атындагы Ташкент маалымат технологиялар университетинин профессору, Эл аралык маалыматташтыруу академиясынын академиги Марат Рахматуллаев "Рейтинги жогору журналдарда илимий макалаларды даярдоонун жана басып чыгаруунун негиздери" аталышында семинар өтүүдө.

Иш-чарага КМУнун профессордук-окутуучулар курамы катышууда.

Семинардын максаты: университеттин изилдөөчүлөрүнө жана окутуучуларына жогорку рейтингдүү илимий журналдарда макалаларды даярдоо жана басып чыгаруунун негиздерин үйрөтүү, ошондой эле, илимий макала жазуу процессинде талап кылынган принциптер жана стандарттар боюнча маалымат берүү.

Семинардын жүрүшүндө илимий макаланын негизги түшүнүктөрү, эл аралык басылмалардын максаттары жана макала даярдоодо колдонулган изилдөө ыкмалары, дүйнөлүк илимий басылмалардын макалаларды тандоо процессиндеги негизги этаптары, анын ичинде маанилүү критерийлери, редакторлор менен байланышы жана макалаларды кайра карап чыгуу процесстери, ошондой эле, эл аралык академиялык изилдөөдө колдонула турган жаңы тенденциялары менен макалалардын жазылуу стилдери тууралуу тууралуу кеңири маалымат берилди.

Иш-чара Илим жана инновациялар департаменти жана илимий китепкана жана М.Р.Рахимова атындагы Кошумча кесиптик билим берүү институту тарабынан уюштурулду.