КМУда "Студенттин өз алдынча билим алуусу жана ийгиликтүү окуусундагы АЭМ методу" аталышында семинар өттү

Бүгүн, 18-ноябрь күнү, И.Арабаев атындагы Кыргыз мамлекеттик университетинде Кыргыз Республикасынын эмгек сиңирген мугалими Гапыр Мадаминов "Студенттин өз алдынча билим алуусу жана ийгиликтүү окуусундагы АЭМ методу" аталышында семинар өттү. Иш-чарага КМУнун профессордук-окутуучулар курамы жана студенттер катышты. Семинардын жүрүшүндө Гапыр Мадаминов билим берүү тармагындагы көп жылдык ишмердүүлүгү жана педагогикалык тажрыйбалары менен бөлүшүп, окутуудагы жаңы ыкмалар, заманбап педагогиканын багыттары тууралуу маалымат берди.

Кыргыз Республикасынын эмгек сиңирген мугалими Гапыр Мадаминов педагогикалык адистикти тандаган студенттер үчүн тажрыйбалуу мугалимдердин кеңештери абдан маанилүү экендигин айтып, көп эмгек мыкты натыйжа бере тургандыгын белгиледи.

Иш-чара Мамлекеттик тил жана маданият институту тарабынан уюштурулду.