КМУда «Улуттук баалуулуктар – Ата мурасы» аталышында симпозиум өттү

И. Арабаев атындагы Кыргыз мамлекеттик университетинде КМУнун 80 жылдыгына жана этнограф А.Акматалиевдин 90 жылдыгына карата «Улуттук баалуулуктар – Ата мурасы» аталышында симпозиум өттү.

Иш-чара “Улуттук дем-дүйнөлүк бийиктик” уңгу жолун ишке ашыруу максатында уюштурулуп, ага КМУнун Мамлекеттик тил, жаштар саясаты жана спорт боюнча проректору Жайна Садыкбек кызы, Искусство жана дизайн факультетинин деканы Кадыралы Артыков, А.Акматалиевдин небереси Нурлан Сакбаев, профессордук-окутуучулар курамы жана студенттер катышты.

Симпозиумдун максаты: Билим берүү мекемелеринин өз ара байланыштарын өнүктүрүү, улуттук баалуулуктарды сактоо, жайылтуу, улуттук маданиятты, салттарды жана көркөм мурастарды жайылтуу жана аларды эстетикалык билим берүүгө интеграциялоо. Ошондой эле, Эстетика багытындагы предметтерди окутуунун жаңы методикаларын жана инновациялык технологияларын талдоо жана тажрыйба алмашуу.

Иш-чаранын жүрүшүндө концерттик программа тартууланып, катышуучуларга сертификаттар тапшырылды.

Иш-чара КМУнун Искусство жана дизайн факультети тарабынан уюштурулду.