КМУда Япониянын “Рёбун” мейманканасынын шеф-ашпозчусу Сайто Коичи ыктыярдуу ишмердүүлүгүн жүргүзөт

23-январь күнү И.Арабаев атындагы КМУнун Японтаануу институтуна ыктыярчы катары Япониянын Ребун аралынын “Рёбун” мейманканасынын шеф-ашпозчусу Сайто Коичи келди. 
Негизги кесиби боюнча Сайто Коичи француз жана япон ашканасынын ашпозчусу. 
Сайто Коичи ыктыярдуу ишмердүүлүгүн И. Арабаев атындагы КМУнун Японтаануу институтунда февраль-май айлары аралыгында алып барат. Ыктыярчы Японтаануу институтунун Коомдук тамак-аш азыктарынын технологиясы кафедрасынын профессордук-окутуучулар курамы жана студенттери менен жолугушуусунда өзүнүн бай тажрыйбасы менен тааныштырып, япон ашканасынын өзгөчөлүктөрүн үйрөтүүнү пландаштырып жаткандыгын билдирди.