КМУда залкар манасчы Саякбай Каралаевдин 130 жылдыгына арналган иш-чара өттү

И.Арабаев атындагы Кыргыз мамлекеттик университетинде Кыргыз Республикасынын Президентинин «Кыргыз элинин баа жеткис руханий мурасы болгон «Манас» эпосунун үчилтигин («Манас», «Семетей», «Сейтек» эпостору) ар тараптан изилдөө жана популярдаштыруу боюнча кошумча чаралар жөнүндө» жарлыгын ишке ашыруу максатында жана залкар манасчы Саякбай Каралаевдин 130 жылдыгына арналган иш-чара өттү.

Иш-чаранын жүрүшүндө манасчы Асаналы Калил уулу эпостон үзүндү айтып, белгилүү манастаануучу Советбек Байгазиев «Манас» эпосунун кыргыз маданиятындагы тарыхый жана руханий орду тууралуу баяндама жасады.

Ошондой эле, студенттер тарабынан даярдалган «Манас» эпосуна байланыштуу видеороликтер көрсөтүлдү.

Иш-чара Ш. Кадырова атындагы Дүйнөлүк тилдер жана эл аралык мамилелер институту тарабынан уюштурулду.