КМУда “Жаңы жылдык жасалгалоо” конкурсу өттү

И.Арабаев атындагы Кыргыз мамлекеттик университетинде Педагогика жана психология институтунун кафедралары арасында “Жаңы жылдык жасалгалоо” конкурсу өттү.

Иш-чарага КМУнун окуу иштери боюнча проректору Раушанбек Зайниев катышып, жалпы жамаатты келе жаткан Жаңы жылы менен куттуктап, катышуучуларга ийгиликтерди каалады.

Конкурстун жыйынтыгында калыстар тобу тарабынан жеңүүчүлөр аныкталып, гран-при сыйлыгына Табигый-математикалык билимдер жана аны башталгыч класстарда окутуунун технологиялары кафедрасы, 1-орунга Педагогика кафедрасы, 2-орунга Мектепке чейинки билим берүү кафедрасы, 3-орунга Педагогика жана психология институтунун деканаты ээ болду. Ошондой эле, “Жаңы жылдык жомок”, “Жаңы жылдык фантазия” жана “Жаңы жылдык маанай” аталышындагы номинациялар тапшырылды.

Педагогика жана психология институтунун профбюросунун демилгеси менен уюштурулуп, жаңы жылдык маанайды жаратууга жана жамааттын чыгармачылык ынтымагын чыңдоого багытталган.