КМУда “ЖОЖдо гуманитардык чөйрөнү калыптоо XXI кылымдын адисин даярдоонун негизи катары” аталышында иш-чара өттү

И.Арабаев атындагы Кыргыз мамлекеттик университетинин Э.Ж.Маанаев атындагы Тарых жана социалдык-укуктук билим берүү институтунда КМУнун 80 жылдыгына жана Бүткүл дүйнөлүк аутизм күнүнө карата “ЖОЖдо гуманитардык чөйрөнү калыптоо XXI кылымдын адисин даярдоонун негизи катары” аталышында иш-чара өттү.

Иш-чарага Э.Ж.Маанаев атындагы Тарых жана социалдык-укуктук билим берүү институтунун профессордук-окутуучулар курамы жана студенттер катышты.

Иш чаранын жүрүшүндө ийгиликтүү болушу үчүн зарыл болгон адамгерчилик, адеп-ахлактык жана социалдык түшүнүктөрдү өнүктүрүү тууралуу маалыматтар берилип, режиссер Гүлжан Ирештин "Балким бир күн сурармын" аталышындагы даректүү тасмасы көрсөтүлдү.

Иш-чаранын максаты: XXI кылымдын адисинин ийгиликтүү болушу үчүн зарыл болгон адамгерчилик, адеп-ахлактык жана социалдык түшүнүктөрдү өнүктүрүү, ар кандай социалдык топторго жана инсандарга карата түшүнүү жана сый-урмат көрсөтүүгө үйрөтүү.

Иш-чара КМУнун Э.Ж.Маанаев атындагы Тарых жана социалдык-укуктук билим берүү институтунун Философия жана гуманитардык дисциплиналар кафедрасы тарабынан уюштурулду.