КМУда Журналисттер союзунун төрагасы И.Балташевдин конок-лекциясы өттү

И.Арабаев атындагы КМУда Кыргызстан Журналисттер союзунун төрагасы Илязбек Балташев “Социалдык медиалардын учурдагы мааниси” темасы боюнча конок-лекция окуду.

Лекциянын жүрүшүндө Илязбек Балташев коомдук пикирди калыптандырууда, коммуникацияларды өнүктүрүүдө жана жарандык демилгелерди жайылтууда социалдык тармактардын негизги ролун баса белгиледи.

Лекциянын соңунда бөлүмдүн окутуучуларына Кыргызстан Журналисттер союзунун мүчөлүк билеттери тапшырылып, бул алардын медиа тармагында болочок адистерди даярдоого кошкон салымын таануунун символу болуп калды.

Мындай жолугушуулар кесипкөй коомчулук менен окуу жайлардын байланышын чыңдап, жаш журналисттерди өз кесибинде жаңы бийиктиктерге шыктандырат.

Иш-чара Мамлекеттик тил жана маданият институтунун эл аралык журналистика жана медиа коммуникациялар бөлүмү тарабынан уюштурулду.