КМУга Алматы гуманитардык-экономикалык университетинин өкүлдөрү келди

И.Арабаев атындагы Кыргыз мамлекеттик университетине Алматы гуманитардык-экономикалык университетинин окуу иштери боюнча проректору Багжан Чсем, PhD доктор Жансая Даулетова жана ага окутуучу Раиса Измагамедова студенттер менен биргеликте келишти. Жолугушууга КМУнун окуу иштери боюнча проректору Равшанбек Зайниев, Педагогика жана психология институтунун директору Гүлзат Казиева катышты. Жолугушуунун жүрүшүндө академиялык мобилдүүлүк боюнча кызматташтык тууралуу сөз болуп, КМУнун окуу иштери боюнча проректору Равшанбек Зайниев тажрыйба алмашуу максатында келген студенттердин окууларына ийгиликтерди каалады.

Андан соң, коноктор Ишеналы Арабаевдин музейи менен таанышып, университет тууралуу кенен маалымат алышты.

Белгилей кетсек, И. Арабаев атындагы КМУ менен Алматы гуманитардык-экономикалык университети ортосунда эки тараптуу кызматташууга кол коюлган.