КМУга Австриянын Зальцбург университетинин профессору Шахнаваз Шахнаваз келди

Бүгүн, 18-декабрь күнү, И.Арабаев атындагы КМУга Австриянын Зальцбург университетинин профессору, геоинформатика тармагынын жетектөөчү адиси Шахнаваз Шахнаваз келди.

Профессор Шахнаваз Шахнаваз менен жолугушууга КМУнун Илим, эл аралык мамилелер жана инновациялар боюнча проректору Айгүл Чалданбаева, Табигый илимдер жана туризм институтунун директору Гүлназ Жалилова, Экология жана туризм кафедрасынын башчысы Эркинбек Токторалиев, География кафедрасынын башчысы Дамира Сөлпүева, География кафедрасынын кызматкери Нурбек Жумалиевдер катышты.

Жолугушуунун негизги максаты: Табигый илимдер жана туризм институтунун (ТИжТИ) ишмердүүлүгү менен таанышуу, Зальцбург университети менен кызматташуу мүмкүнчүлүктөрүн талкуулоо. Өз ара аракеттенүүнүн келечектүү багыттары ТИжТИ окутуучуларынын жана студенттеринин квалификациясын жогорулатууну, биргелешкен илимий долбоорлорду иштеп чыгууну, ошондой эле геомаалыматтык лабораториялардын инфраструктурасын модернизациялоону, анын ичинде Жер планетасын аралыктан зонддоо чөйрөсүн камтыйт.