КМУга Абай атындагы Казак улуттук педагогикалык университетинин өкүлдөрү келди

И.Арабаев атындагы Кыргыз мамлекеттик университетине Абай атындагы Казак улуттук педагогикалык университетинин “Башталгыч билим берүү” кафедрасынын доценти, педагогика илимдеринин кандидаты А.С. Стамбекова жана кафедранын доцентинин м.а., филология илимдеринин кандидаты Р.Ж. Базарбекова КМУнун Педагогика жана психология институтуна иш сапар менен келди.

Иш сапардын жүрүшүндө “Мобилдик билим берүү чөйрөсүн түзүү аркылуу башталгыч билим берүүнүн болочок педагогдорун улуттук баалуулуктарга аралаштыруу” аталышында конок-лекция өтүштү.

Иш-чаранын негизги максаты: университеттер аралык тажрыйба алмашуу жана мобилдик технологияларды билим берүү процессинде колдонуу ыкмаларын үйрөтүү. Мындан тышкары, коноктор институттун иш кагаздары жана билим берүү процессинин өзгөчөлүктөрү менен жакындан таанышты.