КМУга Казакстандын Мирас университетинин өкүлдөрү келди

Бүгүн, 15-ноябрь күнү, И.Арабаев атындагы Кыргыз мамлекеттик университетинин ректору Айгүл Абдраева Казакстандын Мирас университетинин PhD доктору, профессор Динара Ешенкулованы жана окутуучу Акерке Сикимбаеваны кабыл алды. Жолугушууга КМУнун Педагогика жана психология институтунун директору Гүлзат Казиева жана Мектепке чейинки билим берүү технологиялары кафедрасынын башчысы Назгүл Абдраева катышты.

Жолугушуунун жүрүшүндө эки университеттин ортосундагы кызматташтыкты өнүктүрүү жана билим берүү жаатындагы алакаларды чыңдоо маселелери талкууланды. Ошондой эле, билим берүү программаларын интеграциялоо, илимий изилдөөлөрдү биргеликте жүргүзүү жана студенттердин академиялык мобилдүүлүгүн камсыздоо маселелери тууралуу сүйлөшүүлөр жүргүзүлдү.