КМУнун 15 студенти Аль Мустафа атындагы Эл аралык университетинин стипендиаты болду

Бүгүн, 23-декабрь күнү, И.Арабаев атындагы КМУнун Ш.Кадырова атындагы Дүйнөлүк тилдер жана эл аралык мамилелер институтунун студенттерине Аль Мустафа атындагы Эл аралык университетинин стипендиясын тапшыруу аземи болуп өттү.

Аталган иш-чарага Иран Ислам Республикасынын Аль Мустафа атындагы Эл аралык университетинин Борбордук Азия боюнча өкүлү, профессор Али Пурман Мохсени, И.Арабаев атындагы КМУнун ректору, профессор Айгүл Абдраева жана Ш.Кадырова атындагы ДТЭМИнин директору, профессор Нуржан Сартбекова катышты.

Аль Мустафа атындагы Эл аралык университети И.Арабаев атындагы КМУнун Ш.Кадырова атындагы ДТЭМИнин “Башталгыч класстын чет тили мугалими” багытынын фарси тилин үйрөнүүдө жогорку натыйжаларынын жана окуудагы жетишкендиктеринин негизинде тандалган 15 студентине стипендия тапшырды.

Иш-чара Чет тилдери орто кесиптик билим берүү бөлүмүнүн башчысы Айчүрөк Мырзалымбекованын жүргүзгөн иш аракеттеринин негизинде жүргүзүлдү.