КМУнун 5 студенти президенттик стипендия алды

Бүгүн, 16-декабрь күнү, И.Арабаев атындагы Кыргыз мамлекеттик университетинин студентери Азиза Абдразакова, Нурайым Акбарова, Элизада Ормонова, Гүлбурак Паизова жана Калиман Шаршенбековалар окуудагы дилгирлиги, коомдук иштерде активдүүлүгү жана үлгүлүү жетишкендиктери үчүн президенттик стипендия ээлери болду.

Алар:

Нурайым Акбарова - Ш.Кадырова атындагы Дүйнөлүк тилдер жана эл аралык мамилелер институтунун студенти

Калиман Шаршенбекоаа - Э.Ж.Маанаев атындагы ТСУББИнин студенти

Гүлбурак Паизова - Мамлекеттик тил жана маданият институтунун студенти

Азиза Абдразакова - Ш.Кадырова атындагы Дүйнөлүк тилдер жана эл аралык мамилелер институтунун студенти

Элизада Ормонова - Педагогика жана психология институтунун студенти

Салтанаттуу иш-чарада КРнын Президенти Садыр Жапаров жаштарды окууга, илим-билимге жана өлкө келечегин курууга активдүү салым кошууга чакырып, стипендия ээлерине ийгиликтерди каалады.

Президенттик стипендия өлкөнүн жогорку окуу жайларынын эң мыкты студенттерине берилүүчү сыйлык. Бул жылы президенттик стипендияга республика боюнча 90 студент ээ болду.