КМУнун 80 жылдыгына арналган студенттер аралык спартакиада жыйынтыкталды

Бүгүн, 11-декабрь күнү, И.Арабаев атындагы Кыргыз мамлекеттик университетинин 80 жылдык мааракесине арналган студенттер аралык спартакиадасы ийгиликтүү жыйынтыкталды. Иш-чарага КМУнун окуу иштери боюнча проректору Раушанбек Зайниев, мамлекеттик тил, жаштар саясаты жана спорт боюнча проректору Жайна Садыкбек кызы, профсоюз уюмунун жетекчиси Назар Догдурбек, университеттин профессордук-окутуучулар курамы жана студенттер катышты.

Иш-чаранын жыйынтыгында жеңүүчүлөргө дипломдор жана акчалай сыйлыктар тапшырылды.

Белгилей кетсек, иш-чара студенттердин ден соолугун чыңдоо жана спортту жайылтуу максатында уюштурулуп, спорттун 8 түрү: волейбол, баскетбол, футбол, стол тенниси, кол күрөш, жаа атуу, тогуз коргоол жана шахмат боюнча мелдештер өткөрүлгөн.