КМУнун 80 жылдыгына жана илим күнүнө карата “Илимге салган чыйыр жол” аталышында кече өттү

Бүгүн, 26-ноябрь күнү, И. Арабаев атындагы КМУнун 80 жылдыгына жана илим күнүнө карата “Илимге салган чыйыр жол” аталышында кече өттү.

Иш-чарага физика-математика факультетинин деканы, т.и.к., доцент Гүлзат Токонбекова, физиканы окутуу жана технологиясы кафедрасынын башчысы, п.и.к., Назгүл Карасартова, ФМФтин профессордук-окутуучулар курамы, студенттер катышты.

Кеченин максаты: физик окумуштууларды, педагогдорду өсүп келе жаткан жаш муундарга даңазалоо жана студенттерди алардын басып өткөн жолу, илимий эмгектери менен тааныштыруу.

“Илимге салган чыйыр жол” кечесинде п.и.д., профессор Эсенбек Мамбетакунов сөз сүйлөдү.

Кечеге көрүнүктүү окумуштуулар Бабаев Д.Б., Мааткеримов Н.О., Байсеркеев А.Э., Кадышев С.К., Обозов А.Д., Султаналиева Р.М., Жээнбаев Н.Ж., Исаева Р.У., Иманалиева С.И., Кайрыев Н.Ж. катышты.

Илим күнүнө карата даярдалган видеоматериал көрсөтүлдү.

Иш-чаранын маданий бөлүгүндө студенттердин аткаруусунда театралдаштырган оюн, ыр, бий тартууланды.

Иш-чара физика-математика факультетинин физиканы окутуу жана технологиясы кафедрасы тарабынан уюштурулду.