КМУнун доценттери К.Курманалиев жана Д.Молдокулова Бишкек шаарынын бир канча мектептеринин тарых мугалимдерине И.Арабаев тууралуу баяндама жасашты

И.Арабаев атындагы КМУнун Э.Ж.Маанаев атындагы ТСУББИнин доценти, тарых илимдеринин кандидаты, Кыргыз Республикасынын эмгек сиңирген мугалими Кубатбек Курманалиев жана Кыргыз-Кытай факультетинин Чыгыштаануу кафедрасынын доценти, тарых илимдеринин кандидаты, профессор Р.Ачылова атындагы илимий сыйлыгынын ээси Динара Молдокулова Бишкек шаарынын №118 мектеп-гимназиясында өткөн Кара-Кыргыз автономиялуу облусунун 100 жылдыгына арналган илимий конференцияга катышты.

Аталган иш-чаранын алкагында КМУнун доценттери Кубатбек Курманалиев жана Динара Молдокулова Бишкек шаарынын Ленин районуна караштуу мектептеринин тарых мугалимдерине Кара-Кыргыз автономиялуу облусунун түзулүшү, И.Арабаевдин ишмердүүлүгү тууралуу баяндама жасашты.

Доцент Кубатбек Курманалиев №118 мектеп-гимназиясынын китепканасына өзүнүн жакында жарык көргөн “Кара-Кыргыз автономиялуу облусунун административдик-аймактык түзүлүшү (ККАОнун тарыхы боюнча документтер, комментарийлер)” аталышында китебин белек кылды.