КМУнун Эл аралык коммуникациялар жана инвестициялар боюнча проректору Г. Жалилова “TStour” эл аралык долбоорунун жыйынына катышты

И.Арабаев атындагы Кыргыз мамлекеттик университетинин Эл аралык коммуникациялар жана инвестициялар боюнча проректору Гүльназ Жалилова «TStour – Тянь-Шаньдагы туризмди өнүктүрүү: статистика, багыттар жана көйгөйлөр» аталышындагы эл аралык долбоордун алкагында өткөрүлгөн жолугушууга катышты.

Жолугушууда долбоордун учурдагы иш-аракеттери, жетишкендиктери жана алдыдагы пландары талкууланды. Иш-чара И.Раззаков атындагы Кыргыз техникалык университетинин алдындагы «ACA*GIScience» – Австрия жана Борбор Азиянын Геомаалыматтык илим борборунда өтүп, Европа–Тынч океан университеттер тармагынын алкагында ишке ашырылууда.

“TStour” долбоорунун өнөктөштөрү И.Арабаев атындагы КМУнун Табигый илимдер институтунун География жана экология кафедрасы, С.Нааматов атындагы Нарын мамлекеттик университети, М.Рыскулбеков атындагы Кыргыз экономикалык университети, Аль-Фараби атындагы Казак улуттук университети, Ташкенттеги Улуттук университет жана Австриядагы Зальцбург университети.